افهم يعنى ايه تنسيق كل شيء يحتاج له الطالب عن التنسيق وطريقة تسجيل الرغبات في التنسيق، وخطوات ترتيب الرغبات في تنسيق الثانوية العامة، في البداية وقبل ترتيب الرغبات أو الدخول في التنسيق يجب معرفة أمر مهم ألا وهو أن كلما قل المجموع زادت المصروفات الدراسية وكلما زاد المجموع قلت المصروفات.

شرح طريقة التقديم على موقع تنسيق الثانوية العامة

حاول تقرء بتركيز ولو عندك اى استفسار اكتبه فى تعليق هنا👇👇 او على البيدج. 

طريقة ترتيب 75 رغبة حتى تصل الى رغبتك فى الترشيح.

الخطوة الأولى بعد فتح موقع التنسيق الإلكترونى لطلاب الثانوية العامة الجامعات والكليات والمعاهد، سيطلب منك رقم جلوسك ورقمك السري لتسجيل رغباتك بالترتيب، وللحصول على رقمك السرى فيمكنك الحصول عليه من استمارة النجاح التى تسلمتها من المدرسة، والمكتوب بالمكان الموضح بكلمة الرقم السري.

ناس كتير مش فاهمة طريقة التقديم وإزاي يتم التنسيق أو ترتيب الكليات وايه هيحصل، بص معايا كده وركز ابوس دماغك عشان الطالب ممكن يتسبب فى مشاكل كتير لنفسه، زى مثلا ان مجموعك 95% وساكن فى القاهرة وتلاقى نفسك اتقبلت فى معهد لاسلكى فى الوادى الجديد بسبب ترتيب خطأ.

اولا التنسيق بيكون ثلاث مراحل تنسيق الثانوية العامة، موقع التنسيق بيكون مفتوح فى المرحلة على مدار 24 ساعة لمده خمس أيام متواصلة، ومسموح لك تكتب الرغبات في أي وقت في الخمس ايام، وتقدر تغير الرغبات في أي لحظة على مدار الخمس ايام.

اولا التنسيق 3 مراحل

 ⁦المرحلة الاولي

• الشعبة العلمية:371 درجة فأكثر أي بنسبة 90.48% فأكثر
• الشعبة الهندسية: 357 درجة فأكثر أي بنسبة 87.07% فأكثر.
• الشعبة الأدبية: 280 درجة فأكثر أي بنسبة 68.29% فأكثر.

  المرحلة الثانية

1. المرحلة الاولي هتفتح يوم السبت الموافق 5/8/2023 وحتى يوم الأربعاء الموافق 9/8/2023
2. المرحلة الثانية غالبا اول سبتمبر
3. المرحلة الثالثة بعد ظهور نتيجة الدور الثاني مباشرة

فى كل مرحلة  موقع التنسيق بيكون مفتوح فيها علي مدار 24 ساعه لمده خمس ايام متواصله  ومسموحلك تكتب رغباتك في أي وقت في الخمس ايام وتقدر تغير رغباتك في أي لحظة علي مدار الخمس ايام.
المرحلة الاولي بتاخد مثلا من 88% يبقي انت لو جايب 78.9% ما تقدرش تنسق مرحلة اولي وبتنتظر المرحله التانية.

• طيب انا بكتب. رغباتي ازاي؟

بص معايا يا صديقي انت مسموحلك تكتب 75 رغبة

• طيب هو انا بكون عارف كل كليه هتاخد من كام قبل ما اكتب رغباتي⁩

• اضغط هنا مؤشرات تنسيق الجامعات 2022
• بالدرجات جميع الكليات والمعاهد المتاحة للقسم العلمى بعد الثانوية العامة
• بالدرجات جميع الكليات والمعاهد المتاحة للقسم الأدبي بعد الثانوية العامة

الرقم السري

 تلاقيها في الاستمارة اللي هتكون موجودة في المدارس وتقدر تستلمها من يوم السبت التاسعة صباجا

لازم تكون واقعي انت وبتكتب الرغبات بتاعتك يعني انت جايب 88% اكيد طبعا المجموع ده مش يجيب مجموع طب بشري خالص يبقي مش تروح تكتبلي طب بشري في الرغبات ليه بقا عشان حضرتك لو كتبتلي كل كليات الطب البشري وبعد كده كل كليات الأسنان وبعد كده كل كليات الصيدلة وبعد كده كل كليات العلاج الطبيعي كده هتكون كتبت حوالي 75 رغبه وممكن مجموعك مش يجيب مجموع اي رغبه من الي كتبتها وفي الحالة دي بيحصل حاجه اسمها ( استنفاد الرغبات ) ويتكون لازم تنسق حسب المرحلة الثانية بالرغم من انك ممكن تكون جايب مجموع كليه من للمرحلة الاولي بس انت بتضيعها من ايديك
طيب كده متفقين انك لازم تكون واقعي في كتابه الرغبات.

طيب انا ازاي ارتب ال 75 رغبه بتوعي  

• رغباتك بتكون مقسومه ل 3 اجزاء

الجزء الاول ده بيكون متاح ليك 7 كليات الي هم اقرب 7 كليات لمحافظتك فلازم تكتبهم الاول يعني انا من القاهرة وهكتب الرغبة الاولي طب بشري يبقي هيكون متاح لي اقرب كليات طب لسكنى يعني القاهرة عين شمس حلوان ثم الاقرب من المحافظات وهكذا يعني ( لازم تكتب محافظتك اول رغبة )

القطاع الثاني بيكون متاح ليك شويه كليات ابعد عن محافظتك شويه

القطاع التالت بيكون متاح ليك الكليات البعيده خالص خالص عن محافظتك  فتلاقيها جامعة جنوب الوادى مثلا هى المناسبة

اول حاجه كليات الطب البشري كلها علي مستوي الجمهوريه وتكون ملتزم بالتوزيع الجغرافي الي قلنا عليه  فوق وليكن مثلا كل كليات الطب علي مستوي الجمهوريه 20 كليه يعنى ما تكتبش الرغبة الاولى طب عين شمس وتروح كاتب الرغبة التانية اسنان عين شمس غلط👎👎 رتب الكلية مش ترتب الجامعة.

بعد كده اكتب كل كليات الأسنان علي مستوي الجمهورية وليكن مثلا 15 كليه
كده انت كاتب 35 رغبه وهتكمل باقي الكليات لحد ما تخلص ال 75 رغبه بتوعك
طيب وبعد كده بيحصل ايه يا مؤمن ⁦ موقع التنسيق بيقفل لمده 48 ساعه وبيبدا يوزع كل الطلاب علي الكلية المناسبة لمجموعهم  طيب ازاي بيحصل

الموقع بيشوف اول رغبه لو انت مش جايب مجموعها ينزل علي الرغبة الثانية ولو انت مش جايب مجموعها ينزل علي الرغبة الثالثة لحد ما يلاقي الرغبة المناسبة لمجموعك بختصار انك لازم تكتب الرغبة الاولى اكتر كليه انت عايزها مناسبة لمجموعك

نتيجه التنسيق بتبان وبتبدا تعرف نفسك دخلت كليه ايه وبتعرف الحد الأدنى لكل كليه كام.

بتدخل تانى على موقع التنسيق وهتلاقى جملة تم ترشيحكم فى كلية كذا بتطبع استمارة الترشيح دى.

المرحلة الثانية

وبعد كده بيفتح الموقع لطلاب المرحلة الثانية لمده 5 ايام برضوا وبيبداؤا يكتبوا الرغبات حسب الكليات المتاحة ليهم بنفس طريقه المرحلة الاولي وبعد كده نتيجة تنسيق المرحلة الثانية بتبان وبتعرف دخلت كليه ايه وبتعرف الحد الأدنى لكل كليه في المرحلة الثانية كام
وبعد كده بيحصل ايه يا مؤمن.

تقليل الاغتراب

الموقع بيفتح لتقليل الاغتراب لطلاب المرحله الاولي والتانيه
يطلع ايه تقليل الاغتراب ده ,
لو انت جاتلك كليه بعيده عن محافظتك وعايز تحول لمكان اقرب يعنى انا من القاهرة وجاتلى المنصورة فى الحالة دى بتسجل في تقليل الاغتراب وتطلب ان ينقلوك الى جامعة عين شمس مثلا 

وبنسبه 70% تقليل الاغتراب بتاعك ممكن يتقبل وتحول وخصوصا للبنات
وبعد كده بتكون نتيجه الدور التاني بانت والموقع بيفتح للمرحله التالته وبيحصل نفس الكلام الي فوق
الموضوع ابسط مما تتخيل فيه اي اسئله ؟؟

 متنساش | تعمل اعجاب على صفحتنا👇 

 الفيس عشان تتابع كل الاخبار

الفيس بوك هنبسطهالك - HnBsthalk اضغط هنا